Numër i madh i pacientëve me COVID-19 po trajtohen në Spitalin e Gjakovës.
84 pacientë janë duke u trajtuar në Spitalin e Përgjithshëm të Gjakovës, nën dyshimin e infektimit me COVID-19.
53 nga këta pacientë janë të konfirmuar si pozitiv me COVID-19, kurse 16 pacientë janë të konfirmuar si negative.
15 prej këtyre pacientëve të shtrirë në spital vazhdojnë të jenë të pakonfirmuar lidhur me këtë virus.
“40 pacientë me oksigjeno-terapi, 2 pacientë me CPAP maskë, 2 pacientë në respirator. Prej stafit të spitalit pozitiv me COVID-19 janë pesë persona: 1 mjek, 2 infermierë dhe 2 staf administrative”, thuhet në njoftim.
Gjithashtu u apelua tek qytetarët që të mbajnë maskën, të respektojnë distancën dhe të mbajnë higjinenën.
