Haradinaj kërkon nga Kurti ta heqë bllokadën në kufi për hyrjen me tri vaksina.
Vendimi për hyrjen në Republikën e Kosovës me tri vaksina kundër COVID-19, kryetari i AAK-së, Ramush Haradinaj, e ka quajtur të gabim të rëndë të Qeverisë.
Përmes një postimi në rrjetin social, ai tha se këtë masë nuk e ka apliku asnjëri nga shtetet fqinje dhe kërkoi nga kryeministri Albin Kurti, ta heqë këtë bllokadë.
Postimi i plotë:
Vendim arbitrar e i dëmshëm ndalimi në kufi i qytetarëve që nuk i kanë tri vaksina. Me këtë vendim bllokohen kryesisht shqiptarët. Këtë masë nuk e ka apliku asnjëri nga shtetet fqinje.
Ky është gabim i rëndë i qeverisë, që nuk mund të arsyetohet me asgjë.
Prandaj hiqe bllokadën Kryeministër.
