Deputetët e zgjedhur të Lidhjes Demokratike të Kosovës kanë filluar të mblidhen në selinë, në Prishtinë.
Ky takim po mbahet me kërkesë të kryetarit të ri të LDK-së, Lumir Abdixhiku.
Temë e diskutimit do të jetë konstituimi i institucioneve. Ndërkaq takimi me deputetët po mbahet dy ditë para takimit që është paralajmëruar se do të mbahet me u.d. të presidentes, Vjosa Osmani dhe kandidatin për kryeministër të LVV-së, Albin Kurti.
Deri më tani në seli është parë duke hyrë Agim Veliu, Armend Zemaj, Driton Selmanaj dhe Avdullah Hoti.
Kjo është mbledhja e parë e LDK-së pas zgjedhjes së kryetarit të ri më 14 mars.
