Tahiri: Kurti ka agjendë të fshehtë për veriun.
Shefi i GP të PDK-së, Abelard Tahiri ka thënë se kryeministri Albin Kurti ka një plan për veriun porse nuk po e bën publik dhe nuk po e ndanë me qytetarët.
Sipas tij kjo dëshmohet edhe me vendimin e ZRRE-së pasi nuk duhet të ndahet çmimi në baza etnike.
“Kjo është e dëmshme. Këtu ka një agjendë që po mbahet fshehtë në raport me qytetarët dhe deputetët e Kuvendit të Kosovës”, ka thënë ai pas lëshimit të seancës së Kuvendit.
Në konferencën për media ai tha se nuk mund të vazhdohet me vendime të tilla skandaloze.
