Një aksident trafiku ka ndodhur mbrëmjen e sotme në Veternik.
Zëdhënësja e Policisë për rajonin e Prishtinës, Flora Ahmeti, tha se 3 persona kanë mbetur të lënduar.
“Rreth orës 20:30, në Veternik, ka ndodhur një aksident trafiku rrugor. Në aksident janë përfshirë tri automjete.
Si pasojë e aksidentit, janë lënduar tre persona, të cilët janë dërguar për trajtim mjekësor. Me rastin po merret njësiti i trafikut rajonal”, u shpreh Ahmeti.
