Besnik Berisha tenton të arsyetohet, publikon pamje të reja ku 18-vjeçari shihet duke mbajtur kokën e zemrën me duar, pasi vret Agonis Tetajn – Alb'swiss TV
Alb'swiss TV
Lajme

Besnik Berisha tenton të arsyetohet, publikon pamje të reja ku 18-vjeçari shihet duke mbajtur kokën e zemrën me duar, pasi vret Agonis Tetajn

besnik-berisha-tenton-te-arsyetohet,-publikon-pamje-te-reja-ku-18-vjecari-shihet-duke-mbajtur-koken-e-zemren-me-duar,-pasi-vret-agonis-tetajn

Publikimi i një video 1 minutëshe nga momenti i vrasjes së Agonis Tetajt nga shoku i tij i ngushtë, 18-vjeçari Shaban Gogaj, nxiti reagime të shumta në opinion pasi që prokurori i rastit e ricilësoi veprën nga “Vrasje e rëndë” në “Vrasje nga pakujdesia”.

Madje, këto reagime bënë që kryeprokurori e shtetit, Aleksandër Lumezi, të marrë vendim që të ndërrojë prokurorin e këtij rasti.

Avokati mbrojtës i të akuzuarit, Besnik Berisha, sot ka publikuar pamje të reja nga ky rast, ku shihet reagimi i 18-vjeçarit pasi që kryen aktin.

Në këtë video, Gogaj shihet teksa kap kokën me duar, mban zemrën me dorë dhe i kërkon vajzës së hallës që ta thërrasë xhaxhain e tij që t’i vijë për ndihmë Agonisit, pasi që 18-vjeçari mendon se ai është ende gjallë.

“Jam kureshtar të di, nëse ekziston qoftë edhe një rast i vetëm, i shkruar, i dëgjuar, apo i dëshmuar, që i përgjigjet, qoftë për së afërmi, aksidentit tragjik të vrasjes së Agonis Tetaj e që provon se dorasi, menjëherë pas kryerjes së vrasjes të pretenduar “me dashje”, reagon kështu siç ka reaguar 18-vjeçari Shaban Gogaj, duke gulçuar, bërtitur, klithur, goditur kokën dhe veten me grushta, pasi kuptoi se miku i tij më i mirë u rrëzua në tokë i gjakosur.Kujtojmë që ky aksident tragjik ndodhi në ditën më të lumtur të jetës së 18-vjeçarit Shaban Gogaj, në të cilën i njëjti mori konfirmimin dhe bekimin për fejesë nga prindi i të dashurës së tij.Faktet nuk duan koment!!”, ka shkruar Berisha në Facebook

Të ngjajshme

IKSHPK merr vendim, s’ka më testim pa…

albswiss.com

11 të vdekur dhe 512 raste të reja me koronavirus

albswiss.com

U zgjodh anëtar i Kryesisë së LDK-së, ky është reagimi i Armend Zemajt

albswiss.com