I burgosuri në Dyz porosit përmes telefonit vrasjen e një oficeri korrektues
Një i burgosur në Burgun e Sigurisë së Lartë në Dyz dyshohet se ka porositur një ish- të burgosur për të vrarë një oficer atje.
Një gjë e tillë është bërë e ditur në raportin 24-orësh të Policisë. Siç njoftohet, porosia për vrasje është bërë me anë të telefonit.
Policia këtë rast e kishte pranuar nga një zyrtar korrektues në po të njëjtin institucion.
“Ankuesi mashkull kosovar, oficer korrektues në burgun e sigurisë së lartë, ka informuar se i burgosuri mashkull kosovar përmes telefonit ka porositur ish të burgosurin tjetër të dyshuarin mashkull kosovar që ta vras oficerin. Rasti është duke u hetuar”, thuhet në raport.
