Isa Mustafa flet për ftesën e Kurtit dhe Osmanit, tregon nëse do të shkojë në takim – Alb'swiss TV
Alb'swiss TV
Lajme

Isa Mustafa flet për ftesën e Kurtit dhe Osmanit, tregon nëse do të shkojë në takim

isa-mustafa-flet-per-ftesen-e-kurtit-dhe-osmanit,-tregon-nese-do-te-shkoje-ne-takim

Isa Mustafa tregon se a do t’i përgjigjet ftesës së Kurtit dhe Osmanit.

Kryetari në dorëheqje i Lidhjes Demokratike të Kosovës, Isa Mustafa thotë se do të jenë të hapur për biseda dhe dialog në konstituimin e institucioneve.

Përkundër këtij vullneti, Mustafa në një përgjigje për KosovaPress, thotë se nuk mund të flasë për gatishmërinë e kryetarit të ri, pas Kuvendit të së dielës, që menjëherë të hënën të takohet me Albin Kurtin e Vjosa Osmanin.

Duke iu përgjigjur ftesës së djeshme të këtyre të fundit, Mustafa nuk sheh asgjë të keqe nga bisedat për përgatitjen e konstituimit të Kuvendit.

Sipas tij, LDK nuk është parti e barrikadave si të tjerët në të kaluarën, që kanë gjuajtur me gaz dhe mollotov, kur është dashur të bisedohet.

“LDK gjithherë ka qenë e hapur për biseda dhe dialog. Nuk jemi barrikaduar si të tjerët dhe nuk i kemi gjuajtur të tjerët me gaz e me mollotov, kur është dashur të bisedojmë. Kuvendi është i të gjithëve, jo vetëm i atyre që janë renditur të parët. Nuk shoh asgjë të keqe nga bisedat për përgatitjen e konstituimit të Kuvendit. por se kur LDK do të jetë e gatshme të marrë pjesë, nuk mund të flas”, thotë Mustafa.

Në mbrëmjen e djeshme, në dyert e tri partive parlamentare shqiptare, PDK, LDK dhe AAK shkuan ftesat e fitueseve të zgjedhjeve, Albin Kurtit dhe Vjosa Osmanit për konsultime rreth konstituimit të institucioneve.

Në humbjen e zgjedhjeve të 14 shkurtit, Isa Mustafa dha dorëheqjen nga pozita e të parit të LDK-së, derisa të dielën e 14 marsit do të mbahet kuvendi i LDK-së për ta zgjedhur kryetarin e ri.

Të ngjajshme

Pas fotografisë së Vuçiq me hartën e Kosovës, vjen reagimi nga Bashkimi Evropian

albswiss.com

S’i paguan gjobat, komuna e Prishtinës paralajmëron se do t’i dërgojë në përmbarim VV’në, LDK’në, AAK’në dhe NISMA’në

albswiss.com

Eksperti amerikan: LDK-ja u dobësua pas dëbimit të Vjosa Osmanit, ja çka duhet të bëjë Albin Kurti pas zgjedhjeve

admin