Kosova vazhdon të përmendet nga Serbia.
Serbia është para zgjedhjeve presidenciale, derisa gjatë ditës së sotme Milica Gjurgjeviq-Stamenkovski ka zyrtarizuar kandidimin e saj për presidente.
Ajo ka deklaruar se partia Zavetnici është forca e tretë më e fortë politikë në Serbi.
Vendimi për kandidimin e saj është marrë në asamblenë e partisë, ku morën pjesë anëtarë të kryesisë, Bordi Drejtues dhe Ekzekutiv si dhe kryetarë të bordeve, si dhe mbi 1 mijë e 200 delegatë të ftuar, transmeton lajmi.net.
Gjurgjeviq deklaroi se janë të gatshëm për fushatë e që sipas saj prej 10 vitesh nuk kanë hequr dorë nga parimet e tyre programore, që sipas saj është “lufta për çështjet e familjes, ekonomisë dhe çështjen e Kosovës”.
“Kosova do të jetë gjithmonë pjesë e Serbisë”, shtoi tutje ajo.
