Takohen Lajçak dhe Peach, diskutojnë për dialogun Kosovë-Serbi.
Emisari i Bashkimit Evropian për dialogun Kosovë-Serbi, Miroslav Lajçak ka njoftuar se ka zhvilluar një takim me emisarin special britanik për Ballkanin Perëndimor, Stuart Peach.
Lajçak ka thënë se temë e bisedës ishte dialogu Kosovë-Serbi dhe çështjet tjera rajonale.
“Patëm një diskutim të mirë dhe gjithëpërfshirës rreth dialogut dhe çështjeve rajonale me të dërguarin e Mbretërisë së Bashkuar për Ballkanin Perëndimor Sir Stuart Peach sot në Bruksel”, ka shkruar ai ndër të tjera.
Gjatë vitit 2021, dialogu Kosovë – Serbi është zhvilluar kryesisht në nivel të ekspertëve, ndërkaq në nivelin e lartë politik janë zhvilluar dy takime ndërmjet Kurtit dhe Vuçiqit, në qershor dhe në korrik. Në asnjërin prej këtyre takimeve nuk është arritur ndonjë marrëveshje.
