Mësohet rendi i ditës i Kuvendit të LDK-së ku do të zgjidhet kryetari i ri – Alb'swiss TV
Alb'swiss TV
Lajme

Mësohet rendi i ditës i Kuvendit të LDK-së ku do të zgjidhet kryetari i ri

mesohet-rendi-i-dites-i-kuvendit-te-ldk-se-ku-do-te-zgjidhet-kryetari-i-ri

Tashmë është mësuar rendi i ditës i Kuvendit të LDK-së ku do të zgjidhet kryetari i ri.

Nesër në një prej hoteleve të kryeqytetit do të mblidhen delegatët e Lidhjes Demokratike të Kosovës për të zgjedhur kryetarin e ri.

Rreth 350 delegatëve të kësaj partie që do të marrin pjesë nesër në një prej takimeve më të rëndësishme për të ardhmen e partisë, iu është dërguar edhe rendi i ditës.

Mbledhja do të fillojë në orën 10:00 të mëngjesit, derisa nga ora 9 deri në orën 9 e 45 është koha kur delegatët duhet të mblidhen në hotelin “Emerald” ku edhe do të mbahet Kuvendi Zgjedhor.

Në pikën e parë të rendit të ditës do të zgjidhen trupat punuese të Kuvendit, derisa në pikën e dytë të rendit të ditës do të jetë zgjedhja e kryetarit të ri të Lidhjes Demokratike të Kosovës që do ta pasojë Isa Mustafën.

Deri tash, kandidaturat e bëra publike janë ajo e Lumir Abdixhikut, Lutfi Haziri, Anton Qunit dhe Besian Mustafës.

LDK në këtë proces të brendshëm zgjedhor ka hyrë pas një disfate të rëndë në zgjedhjet e 14 shkurtit ku doli si parti e tretë me 100 mijë vota më pak se në zgjedhjet e kaluara të 6 tetorit.

Të ngjajshme

Dikur thoshte se nëse Kurti vjen në pushtet do ta falte tërë Kosovë, e sot u emërua këshilltare e tij

albswiss.com

“Nëse shkohet në zgjedhje, fajtori i vetëm është Albin Kurti”

albswiss.com

Masat e reja, Arben Vitia nesër në takim me kryetarët e komunave

albswiss.com