Historia e Diogo Dalot me Milanin mund të mos ketë përfunduar ende pasi raportet kanë pohuar se mbrojtësi mund të largohet nga Manchester United.
Një raport në PianetaMilan shkruan se Dalot mund të jetë një objektiv për Rossonerët kur dritarja të rihapet në janar.
Reprezentuesi portugez nuk duket të jetë në planet e Manchester United, dhe raporti citon The Sun që pohon se Dalot, Donny van de Beek, Jesse Lingard, Phil Jones, Eric Bailly, Anthony Martial dhe Alex Telles konsiderohen të shitshëm, përcjell ORAinfo.
Menaxhmenti i Milanit duhet të mendojë për ta sjellë Dalot sërish pasi ai demonstroi sezonin e kaluar se ai mund të jetë një alternativë shumë e besueshme për Davide Calabria.
Alessandro Florenzi mbërriti në huazim nga Roma në verë, por deri më tani ai është përdorur si krah i djathtë dhe jo si mbrojtës, ndërsa raporti përfundon duke pretenduar se Dalot është gati të kthehet në Milano nga ana e tij. /ORAinfo/
