Ndryshon moti, nga nesër borë e shi në Kosovë – Alb'swiss TV
Alb'swiss TV
Lajme

Ndryshon moti, nga nesër borë e shi në Kosovë

ndryshon-moti,-nga-neser-bore-e-shi-ne-kosove

Reshje shiu e bore gjatë javës në Kosovë.

Instituti Hidrometeorologjik i Kosovës ka njoftuar se java e fundit e stinës së dimrit do të jetë e ndryshueshme.

Sipas njoftimit, kjo situatë meteorologjike vije si pasojë e masave relativisht të ftohta që vijnë nga ana veriperëndimore e kontinentit. Parashihet të kemi rënie në fushat barike dhe ato termike dhe si rezultat i këtyre ndryshimeve fizike parashihen reshje shiu dhe bore.

Borë kryesisht në viset mbi 800m lartësi mbidetare, ndërsa në viset e ulëta parashihet shi dhe borë.

Kjo situatë e paqëndrueshme do të vazhdojë deri me datën 18 apo 19 mars, pastaj mbi vendin tonë parashihen kthjellime dhe rritje të lehta të temperaturave.

Temperaturat minimale gjatë këtyre pesë ditëve të ardhshme parashihen të lëvizin ndërmjet -3 deri 3 gradë Celsius, ndërsa maksimalet e ditës parashihen të lëvizin ndërmjet 4 deri 7 gradë Celsius.

Kushtet biometeorologjike nuk do të jenë të mira për një shtresë të popullatës që kanë sëmundje kronike, ndërsa pjesëmarrësve në trafik ju këshillohet kujdes i shtuar. Do të fryjë erë mesatare deri e fortë nga drejtimi i veriperëndimit

Të ngjajshme

La ushtrinë norvegjeze për Qeverinë Kurti 2 – Kush është kapiteni kosovar, Ministri i ri i Mbrojtjes

albswiss.com

Edhe sot kolona të gjata në kufi me Shqipërinë

albswiss.com

KQZ tregon kur do t’i certifikoj rezultatet e zgjedhjeve

albswiss.com