Përfundon votimi për kryetarin e LDK-së, nis numërimi i votave – Alb'swiss TV
Alb'swiss TV
Lajme

Përfundon votimi për kryetarin e LDK-së, nis numërimi i votave

perfundon-votimi-per-kryetarin-e-ldk-se,-nis-numerimi-i-votave

Ka përfunduar votimi i delegatëve të Lidhjes Demokratike të Kosovës për të zgjedhur liderin e ri të partisë.

328 delegatë të LDK-së sot në Kuvendin e partisë kanë hedhur votën e tyre të fshehtë.

Në garë për të parin e LDK-së ishin Lutfi Haziri, Lumir Abdixhiku dhe Besian Mustafa. Votimi i delegatëve është parë si votim i rregullt dhe pa ndonjë incident të mundshëm. Garën për kryetar të LDK-së ditë më parë e bëri publike edhe Anton Quni, por që i njëjti sot u tërhoq nga ky kandidim.

“Ka përfunduar votimi i të gjithë delegatëve. Më pas duhet të shihet se si kanë qenë votat dhe të shihet a duhet të shkojmë edhe në një votim apo jo”, tha Arban Abrashi nga Lidhja Demokratike e Kosovës.

Abrashi theksoi se kutia do të tregojë se kush sa vota ka marrë.

“Kanë qenë diskutime e konsultime në të gjitha degët dhe të gjithë kanë qenë të një mëndje se votimi duhet të jetë i fshehtë dhe kësisoj është bërë. Tash i shohim numrat se kush sa ka marrë.Fillon numërimi i votave, nëse ndonjëri ka marrë mbi 50%, nëse jo atëherë dy që kanë më tepër vota shkojnë në raundin e radhës”, tha ai.

Të ngjajshme

Osmani: Mbrëmë përmbyllëm dinjitetshëm një kaptinë të zgjedhjeve demokratike

albswiss.com

544 të shëruar në 24 orët e fundit në Kosovë

albswiss.com

Policia jep detaje për incidentin me vajzën që i hodhën sprej, ja si ndodhi rasti

albswiss.com