Rastet e reja me COVID-19, Ministria publikon raportin 24 orësh
17 raste të reja me koronavirus janë regjistruar në 24 orët e fundit në vend, raporton Express.
Këtë e ka konfirmuar Ministria e Shëndetësisë, përmes një njoftimi në faqen zyrtare në Facebook.
Raste të vdekjes s’janë regjistruar, derisa janë shëruar pesë pacientë.
Nga 1.263 testime, 17 qytetarë kanë rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes.
Sot janë shëruar 5 qytetarë, derisa numri i përgjithshëm i të shëruarve është 157.748″, thuhet në njoftimin e MSH’së.
Numri i rasteve aktive aktualisht është 335. /ORAinfo/
