SHSKUK reagon pas ankesave: Kemi pranuar dhe do të pranojmë të gjithë pacientët që kanë nevojë – Alb'swiss TV
Alb'swiss TV
Lajme

SHSKUK reagon pas ankesave: Kemi pranuar dhe do të pranojmë të gjithë pacientët që kanë nevojë

shskuk-reagon-pas-ankesave:-kemi-pranuar-dhe-do-te-pranojme-te-gjithe-pacientet-qe-kane-nevoje

Pas ankesave reagon ShSKUK.

Në lidhje me shkrimet se të sëmurët me Covid në gjendje të rëndë, nuk po pranohen për spitalizim, Shërbimi Spitalor Klinik dhe Universitar i Kosovës, sqaron se përkundër mbingarkesave me të cilat po përballen klinikat e QKUK-së dhe spitalet e përgjithshme, çdo i sëmurë që ka nevojë për trajtim, pranohet për spitalizim.

Sa i përket pacientit me inicialet B.A, ShSKUK thotë se ai është paraqitur në Zyrën e pranimit në Klinikën Infektive, por nuk ka qenë i konfirmuar me Rt-PCR si Covid-19, përderisa klinika pranon vetëm rastet e konfirmuara me të cilat është e stërmbushur.

Tutje theksohet se i njëjti pacient, ishte referuar në Klinikën Infektive 2, e njohur si Mjekësia Sportive, por meqë kishte probleme të rënda të natyrës kronike në mushkëri, ishte udhëzuar për pranim në Klinikën e Pulmologjisë, në të cilën është pranuar dhe po e vazhdon trajtimin.

Shërbimi Spitalor njofton se menaxhmenti i ShSKUK do të ndërmarrë masat konform legjislacionit në fuqi, ndaj kujdo që vërtetohet se nuk ka kryer detyrat e punës.

Duhet theksuar se ShSKUK ka shtuar kapacitetet, duke lëshuar në punë hapësira të tjera për spitalizim, ka mobilizuar mjekë dhe infermier/e, të cilët po merren me trajtimin e pacientëve të dyshuar dhe kofirmuar me Covid.

Edhe pas 1 viti të përballjes me Covid-19, mjekët, infermierët dhe stafi tjetër mbështetës po japin maskimumin e tyre për të trajtuar pacientët me Covid.

Të ngjajshme

Stafi i Vjosa Osmanit reagon pas kritikave për intervistën në BBC

albswiss.com

Kurti pret në takim ambasadoren franceze, diskutojnë për sigurimin e vaksinave dhe dialogun me Serbinë

albswiss.com

Kurti dhe Osmani të koordinuar për dialogun me Serbinë

albswiss.com