Besnik Tahiri i AAK-së i thotë Kurtit se gjithnjë ke adresuar vetëm të zezën.
Besnik Tahiri, deputet nga AAK ka thënë se partia e tij e merr përgjegjësinë e opozitarizmit.
Ai tha se do ta ballafaqojnë qeverinë Kurti me çështjet që i ka adresuar gjatë të qenit në opozitë.
“Logjika e z.Kurtit ka qenë çdo herë kritika, kurrë alternativa, gjithnjë e ka adresuar vetëm të zezën”, tha Tahiri.
Ai më tej tha se Republika e Kosovës nuk do të bëhet shtet parti.
“Ky shtet e ka një histori, të lirisë dhe shtet ndërtimit. Ky shtet nuk do të bëhet shtet parti, jeni fitues, veproni me dinjitet”, tha ai.
