Votimi i rezolutës, Tahiri: Kushdo që e analizon në aspektin triumfalist e ka gabim.
Shefi i Grupit Parlamentar të Aleancës për Ardhmërinë e Kosovës, Besnik Tahiri, ka thënë se votimi i djeshëm i rezolutës për mosmbajtjen e referendumit serb në Kuvendin e Kosovës nuk është asgjë më shumë se ushtrim i detyrës së deputetit për të mbrojtur Kushtetutën e vendit.
“Kushdo që mendon të analizojë këtë çështje në aspektin triumfalist e ka gabim. E, kushdo që e kthen votimin e djeshëm në lojë për të fituar disa poena politikë e ka prapë shumë gabim”.
“Kushtetutshmëria dhe ligji janë detyrim dhe betim i yni”, ka thënë Tahiri.
Postimi i plotë:
Votimi i djeshëm në Kuvend nuk është asgjë më shumë e asgjë më pak se vetëm ushtrim i detyrës së deputetit për të mbrojtur rendin kushtetues të vendit si dhe kurs i veprimit në vijë të plotë me betimin e dhënë si deputet.
Kushdo që mendon të analizojë këtë çështje në aspektin triumfalist, e ka gabim. E, kushdo që e kthen votimin e djeshëm në lojë për të fituar disa poena politikë, e ka prap shumë gabim.
Kushtetuetshmëria dhe ligji janë detyrim dhe betim i yni.
