Varhelyi : Kosova ka përmbushur kushtet për liberalizim të vizave – Alb'swiss TV
Alb'swiss TV
Lajme

Varhelyi : Kosova ka përmbushur kushtet për liberalizim të vizave

varhelyi-:-kosova-ka-permbushur-kushtet-per-liberalizim-te-vizave

Komisioneri i BE-së: Kosova ka përmbushur kushtet për liberalizim të vizave.

Komisioneri evropian për fqinjësi dhe zgjerim, Oliver Varhelyi ka thënë se mezi presin të punojnë me Qeverinë e re në Kosovë.

Ai shpreson se do të shohin më shumë stabilitet politik në periudhën e ardhshme, si dhe Kosova të mund të përshpejtojë procesin e reformës.

“Shpresojmë të shohim më shumë stabilitet politik në periudhën e ardhshme, në mënyrë që Kosova të mund të shpejtojë procesin e reformës, përfshirë në fusha të tilla si sundimi i ligjit dhe zhvillimi socio-ekonomik. Ne do të vazhdojmë të mbështesim Kosovën në agjendën e saj evropiane”, ka potencuar komisioneri Varhelyi.

Ai gjatë “Forumit Ekonomik të Tiranës” që po mbahet online ka folur edhe rreth procesit të vizave për kosovarët.

“Në lidhje me liberalizimin e vizave për qytetarët e Kosovës, Komisioni vlerëson se të gjitha kushtet janë përmbushur. Sidoqoftë, jo të gjitha shtetet anëtare janë bindur ende. Prandaj, ne inkurajojmë autoritetet e Kosovës t`i drejtohen vendeve anëtare të BE-së për të adresuar shqetësimet e mbetura”, ka thënë Varhelyi.

Duhet theksuar se Kosovës i është thënë edhe më herët se ka plotësuar kriteret për viza, por liberalizimi nuk kaloi filtrat e nevojshëm.

Të ngjajshme

Besa Shahini e kritikon Vjosa Osmanin për deklaratën e saj në BBC: E pavërtetë, populliste dhe anti-patriotike

albswiss.com

Përdhunimi, krim që nuk pranohet mjaftueshëm në Ballkanin Perëndimor 

albswiss.com

Këto janë pozitat e reja të Arben Gashit e Kujtim Shalës

albswiss.com