Një burrë nën 40 vjeç viktimë e COVID-19 në 24 orët e fundit në Kosovë.
Tri viktima janë regjistruar në 24 orët e fundit në Kosovë nga COVID-19, raporton Gazeta Express.
Kështu është bërë e ditur nga Ministria e Shëndetësisë.
Një nga viktimat është i moshës 30-39 vjeçare, një i moshës 70-79 vjeçare dhe një mbi 80 vjeç.
Viktimat janë nga komuna e Shtimes, Gjilanit dhe Gjakovës.
Ministria e Shëndetësisë ka bërë të ditur se gjatë 24 orëve të fundit në vend janë regjistruar edhe 1 mijë e 593 raste të reja me COVID.
Ndërsa, 2 mijë e 433 persona janë shëruar nga ky virus.
