Ambasadori i ri amerikan dhe William Walker mbajnë fjalime në përkujtim të Masakrës së Reçakut
Për të përkujtuar viktimat e Masakrës së Reçakut, presidentja Vjosa Osmani, kryeparlamentari Glauk Konjufca dhe kryeministri Albin Kurti do të bëjnë homazhe në Kompleksin memorial të Reçakut.
Tre krerët e shtetit më pas do të shkojnë në Shtëpinë e Kulturës në Shtime për të shënuar ceremoninë përkujtimore në 23-vjetorin e Masakrës së Reçakut.
Pos krerëve kosovarë, në këtë ceremoni fjalim do të mbajë edhe ambasadori i ri amerikan Jeffrey Hovenier, ndërsa ambasadori William Walker, ish-kryesues i Misionit Verifikues në Kosovë, do t’iu drejtohet të pranishmeve përmes një video-mesazhi.
