Në Klinikën e Gjinekologjisë janë 14 gra shtatzëna të infektuar me COVID.
Në Klinikën e Gjinekologjisë dhe Pediatrisë janë rikthyer repartet për Covid-19. Ky virus ka prekur edhe gratë shtatzëna e fëmijët.
Shtatzënia për të është e vështirë. Pos telasheve shëndetësore që ia solli ky proces, kjo grua shtatzëne është e infektuar edhe me Covid-19.
E shtrirë në Klinikën Gjinekologjike, ndër gratë tjera, ajo po kalon një shtatzëni më të rrezikshme.
Covid-19 ka prekur edhe gra të tjera që janë në pritje të pasardhësve.
Në këtë Klinikë ka gjithsej 14 paciente shtatzëna që janë pozitive me virusin korona. Reparti i veçantë për to është funksionalizuar sërish.
Pak më tutje në QKUK është ndarë edhe një repart për fëmijë të infektuar me Covid në Pediatri
Drejtoresha e kësaj Klinike, Violeta Grajqevci-Uka, thotë se varianti i ri është më i lehtë për fëmijët
Për shkak të gripit sezonal, dallimi midis gripit dhe virusit korona është i vështirë.
Si rrjedhojë, mjekët rekomandojnë të bëhet testimi pas shfaqjes së simptomave të para.
