Kërdi për pavarësi, Grandi priti 1 mijë veta, fitoi 80 mijë euro.
Mbi 1000 persona ishin akomoduar në Hotel Grand Prishtina, nga 16 deri më 18 shkurt 2008, shumica e mysafirëve ishin gazetarë, të cilët kishin ardhur të raportonin për shpalljen e pavarësisë së Republikës së Kosovës në datën e 17 shkurtit.
Drejtori i këtij hoteli, Isa Rexha, tregoi për Klan Kosovën se kapacitetet e këtij hoteli prej 700 dhomave nuk mjaftuan për mysafirët.
Andaj ata që mbetën pa to, gjumin e natës e kaluan në korridore të hotelit.
Vetëm për një natë, datën 17, hoteli arkëtoi 80 mijë euro nga mysafirët.
