Dy femra kanë raportuar në polici se të martën rreth orës 11:00, dy të dyshuar të panjohur dhe të maskuar, nën kërcënimin e thikës, ua kanë grabitur telefonat dhe kuletat.
Sipas policisë grabitja ka ndodhur në rrugën “Afrim Loxha” në Prishtinë.
Në vendin e ngjarjes menjëherë kanë dalë njësitet përkatëse të policisë të cilat janë marrë me rastin.
Nuk është raportuar për të lënduar, ndërsa rasti vazhdon të jetë nën hetime.
