Presidentja Osmani u thotë anëtarëve të KS-së të mos e çojnë buxhetin dëm duke financuar UNMIK-un.
Presidentja e Republikës së Kosovës, Vjosa Osmani, në Këshillin e Sigurimit ka folur për misionin e UNMIK-ut në Kosovë. Osmani ka thënë se kanë qenë kohë të vështira kur është vendosur UNMIK-u si një mision i përkohshëm dhe ka përmendur faktin se atë kohë është thënë se vlefshmëria e “Rezolutës 1244” do të jetë derisa të determinohet statusi final i Kosovës
“UNMIK-u ishte vendosur në Kosovë në rrethana krejtësisht të tjera, pas ndërhyrjes së NATO-së për të ndalur krimet dhe gjenocidin kundër popullit të Kosovës”, ka thënë presidentja e Republikës së Kosovës.
E para e shtetit ka thënë se “UNMIK-u në Kosovë jo vetëm që e ka stërzgjatur mandatin në Kosovë, por është duke e vazhduar atë edhe në kundërshtim me opinionin e GJND-së”.
Duke folur për këtë çështje, Osmani ka thënë se këshillon anëtarët e Këshillit të Sigurimit që t’i shpenzojnë paratë e tyre më mirë.
