Ahmeti përkujton se si iu gëzua golit të Xhakës e Shaqirit kundër Serbisë kryetari i ndjerë i Zagrebit – Alb'swiss TV
Alb'swiss TV
Showbiz

Ahmeti përkujton se si iu gëzua golit të Xhakës e Shaqirit kundër Serbisë kryetari i ndjerë i Zagrebit

ahmeti-perkujton-se-si-iu-gezua-golit-te-xhakes-e-shaqirit-kunder-serbise-kryetari-i-ndjere-i-zagrebit

Pas lajmit për vdekjen e kryetarit të Bashkisë së Zagrebit në Kroaci, Milan Brandiç, ka reaguar kryetari i Komunës së Prishtinës, Shpend Ahmeti, teksa ka treguar relacionet e politikanit kroat me shqiptarët e Prishtinën.

Ahmeti, me anë të ‘Facebook’-ut, ka thënë se ky i fundit ka qenë mik i Prishtinës, si dhe shqiptarëve në Kroaci.

Ai, tutje ka rikujtuar edhe për gëzimin që kishte ndarë me kreun e Zagrebit, tashmë të ndjerin Bandiç, për ndeshjen e Zvicrës kundër Serbisë në futboll.

Përgjatë ditës së diel, mediet kroate raportuan për vdekjen e kreut të Bashkisë së Zagrebit, i cili ndërroi jetë pas një sulmi në zemër.

Postimi i plotë:

Sot, papritmas ka vdekur kryetari i Zagrebit, Milan Bandic. Gati 20 vite kryetar i Zagrebit, Bandic ka qenë mik i madh i Prishtinës e po ashtu edhe mik i imi.  Kryetari i parë që më ka vizituar pas marrjes së mandatit. Mik i madh i shqiptarëve në Kroaci.

Ishim në Shkup në vitin 2018 në darkë në Shkup bashkë me kryetarët e Athinës dhe Shkupit.  Ishte nata e lojës në mes të Zvicres dhe Serbisë.  Bandic ishte dashamir i madh i futbollit që nuk mungonte në asnjë lojë të Dinamos e Kroacisë.

Kërkoi nga unë që gjatë darkës ta shikojmë lojën në tel.  Darka përfundoi para golit të Xhakes.  Derisa shkuam nëpër vetura, Xhaka shënoi dhe Bandic ishte i gëzuar për mu.  Duke hyrë në makinë, më tha “sigurno ce biti 2:1 za Svajvarsku samo gledaj” )sigurtë do të jetë 2:1 vec shikoje lojën.

Kur shënoi Shaqiri isha diku në kufi dukë bërtitur në makinë.  Bandic në telefon “jel sam ti reko, jel sam ti reko, veceras da slavis”.  A të thash, a të thash, sonte festo.

Kështu do ta mbaj mend.  Në çdo takim më thoshte, sirotinju Shpend samo za sirotinju radi.  Vec për të varfërit puno, vec për të varfërit.

Më falni që e zgjata por sa herë që ndihmontë shqiptarët në Zagreb më telefononte.  Sa herë kam kërkuar ndihmë ka ofruar menjiherë.  Dhe krejt në fund më thoshte kur ke nevojë me pushu hajde në Zagreb. Je si në shpinë tënde.

Pusho i qetë miku jonë Bandic. Ja dhe jetën qytetit të Zagrebit.  Si çdokund do të lëvdërojnë e kritikojnë por  me rëndësi jetën e ke dhënë për qytet.

Të ngjajshme

Jasmina publikon një foto joshëse, por komenti i Andit merr gjithë vëmendjen

albswiss.com

Nëna Adelina Tahiri nuk i ndal provokimet, me këtë veshje shfaqet rrugëve të Shkupit

albswiss.com

Nuk i shpëton as Violeta, shikoni këtë ‘ndërhyrje’ të papritur të saj

albswiss.com