Qeveria Kurti 2, dy ditë pas caktimit të ministrave në dikasteret qeveritare, ka filluar edhe me emërimin e zv/ministrave nëpër këto dikastere.
Hysen Durmishi nga VV-ja është caktuar zv/ministër në ministrinë e Infrastrukturës, Mjedisit dhe Planifikimit Hapësinor, dikaster që udhëhiqet nga Liburn Aliu.
Ndërkaq, Enver Dugolli, është emëruar dje zv.ministër në ministrinë e Mbrojtjes.
Emërimet e zëvendësministrave kanë vazhduar edhe sot.
Në ministrinë e Drejtësisë, e cila udhëhiqet nga Albulena Haxhiu, Blerim Sallahu është emëruar zëvendës i ministres Haxhiu.
Sallahu ka qenë këshilltar ligjor i Grupit Parlamentar të Lëvizjes Vetëvendosje, në legjislaturën e kaluar të Kuvendit.
Ndryshe, Blerim Sallahu njihet edhe si inicuesi ligjor, që a rrëzoi qeverinë Hoti.
Ai kishte dërguar lëndën në Gjykatën Kushtetuese, rreth votës së ish-deputetit Ethem Arifi, gjë që shkaktoi edhe rënien e qeverisë së kaluar.
