Albin Kurti në Lezhë për bashkimin kombëtar: Na e ndalon kushtetuta, nuk e ndryshojmë atë – Alb'swiss TV
Alb'swiss TV
Lajme

Albin Kurti në Lezhë për bashkimin kombëtar: Na e ndalon kushtetuta, nuk e ndryshojmë atë

albin-kurti-ne-lezhe-per-bashkimin-kombetar:-na-e-ndalon-kushtetuta,-nuk-e-ndryshojme-ate

Kreu i Lëvizjes Vetëvendosje, Albin Kurti është parë sot në Lezhë në përvjetorin e Besëlidhjes së Lezhës bashkë me përfaqësuesit e Shkupit, Preshevës e Tuzit.

Kreu i LVV-së është parë sot në Lezhë bashkë me Ilaz Shehun që është kandidat për deputet nga Vetëvendosje në Shqipëri, Ziadin Sela, kryetar i Aleancës për Shqiptarët në Maqedoninë e Veriut, Shaip Kamberin deputetin shqiptar në Kuvendin e Serbisë dhe kryetarin e komunës së Tuzit, Nik Gjeloshaj.

Kurti ka folur para gazetarëve duke thënë se në këtë vend është origjina e bashkimit shqiptar.

“Jemi në këtë vend ku u mblodh Kuvendi I Lezhës e ku u varros heroi ynë kombëtar, e kemi këtu origjinën e bashkimit shqiptar. Politikëbërja duhet t’i kthehet patjetër Lezhës e besëlidhjes, në mënyrë që të dalim nga vështirësitë që i kanë shqiptarët kudo. Por, edhe të vendosemi në binarët e demokracisë e drejtësisë që nuk e lënë asnjëri mbrapa”, ka thënë ai.

Lideri i LVV-së ka bërë thirrje që Kosova dhe Shqipëria të bashkërendohen drejt afrimit.

“Pa dyshim që Shqipëria e Kosova si shtete si institucione duhet të bashkërendohen drejt afrimit, integrimit e bashkimit e do të thosha mbi të gjitha në fusha kryesore, në siguri, në energji dhe burime natyrore dhe politikës së jashtme”, tha tutje Kurti, teksa është pyetur nga mediat edhe për cështjen e bashkimit kombëtar.

“Fatkeqësisht kushtetua e Kosovës e ka një kundërthënie, neni 1.1 thotë se Kosova është shtet I pavarur, ndërsa, neni 1.3 na e ndalon bashkimin me një shtet tjetër. Në këtë kuptim, pavarësia e Kosovës nuk e lejon në mënyrë Kushtetuese bashkimin me një shtet tjetër të pavarur, por njëkohësisht paraqet pengesë për integrime siç është ai Evropian. Në Kosovë nuk kemi ligj për referendum dhe nuk e ndryshojmë Kushtetutën, por pa dyshim se kjo është intenca historike dhe dëshira e shqiptarëve”, ka thënë ai

Të ngjajshme

Pas dorëheqjes së Vjosa Osmanit, ja kush është në krye të iniciativës “Guxo”

albswiss.com

Lajçak edhe sot në Kosovë, vazhdon takimet me liderët

albswiss.com

Deri tani asnjë kandidaturë, gratë e LDK-së pa ambicie për ta udhëhequr partinë

albswiss.com