Aprovohen nga PZAP dy ankesa, KQZ-ja do të rinumërojë votat e kandidatëve për deputetë të dy partive – Alb'swiss TV
Alb'swiss TV
Lajme

Aprovohen nga PZAP dy ankesa, KQZ-ja do të rinumërojë votat e kandidatëve për deputetë të dy partive

aprovohen-nga-pzap-dy-ankesa,-kqz-ja-do-te-rinumeroje-votat-e-kandidateve-per-deputete-te-dy-partive

PZAP-ja aprovon dy ankesa, KQZ-ja do të rinumërojë votat e kandidatëve për deputetë të dy partive.

Paneli Zgjedhor për Ankesa dhe Parashtresa ka shqyrtuar ankesat e gjashtë kandidatëve për deputetë, që kanë pretenduar për parregullsi në numërim të votave, ndërsa ka aprovuar të plotë ankesën e Isak Shabanit të PDK-së dhe të pjesshme ankesën e Zikreta Alitit të partisë NDS.

Ankesat e Gëzim Dervishajt e Hajdar Sutajt të AAK-së, Dimal Bashës të Vetëvendosjes dhe Nezir Çoçajt të PDK-së janë refuzuar si të pabazuara.

Shabani i PDK-së ishte ankuar me pretendimin se në shtatë vendvotime janë bërë ndërhyrje/përmirësime gjatë regjistrimit të votave në Formularët e Rezultateve për Kandidatë (FRK) dhe janë evidentuar numrin e vogël të votave krahasuar me atë që pretendon se ka fituar.

Shabani thuhet se ka dorëzuar si provë formularët dhe është aprovuar ankesa e tij.

Sipas PZAP-së, KQZ-ja është urdhëruar të rinumërojnë votat e deputetëve të PDK-së në shtatë vendvotime (0402x-03R, 2113-01R, 2118B-02D, 2116B-02D, 2118B-01, 2102B-01R dhe 2130B-01R).

E si e pjesshme është pranuar ankesa e Zikreta Alitit të NDS-së.

PZAP ka urdhëruar që të numërohen votat e kandidatëve për deputetë nga radhët e NDS-së në vendvotimin 2009A/05D në Komunën e Prizrenit.

Të ngjajshme

Hoxhaj: Albin Kurti sonte po bënë drama në vend që të siguroj vaksina

albswiss.com

Milivojeviq: Kjo është strategjia e Kurtit për dialogun, Perëndimi duhet të ndërhyjë

albswiss.com

Një person gjendet pa shenja jete në Prishtinë

albswiss.com