Grenell nuk ndalet, kujton kohën kur Kurti hodhi gaz lotsjellës, përkundër thirrjeve të Obamës e Bidenit – Alb'swiss TV
Alb'swiss TV
Lajme

Grenell nuk ndalet, kujton kohën kur Kurti hodhi gaz lotsjellës, përkundër thirrjeve të Obamës e Bidenit

grenell-nuk-ndalet,-kujton-kohen-kur-kurti-hodhi-gaz-lotsjelles,-perkunder-thirrjeve-te-obames-e-bidenit

Grenell kujton kohën kur Kurti hodhi gaz lotsjellës, përkundër thirrjeve të Obamës e Bidenit.

Ish-emisari i Donald Trump për dialogun Kosovë-Serbi, Richard Grenell, sot ka reaguar pasi kreu i Lëvizjes Vetëvendosjes, Albin Kurti, ka thënë se do të shqyrtohet vendimi i Qeverisë së Kosovës për vendosjen e Ambasadës në Jerusalem pas njohjes reciproke me Izraelin, vendim ky që doli si rezultat i Marrëveshjes së Washingtonit e sponzorizuar nga Administrata Trump.

Grenell e ka quajtur Kurtin “majtist anti-amerikan” që ka qenë kundër secilës Administratë amerikane që nga koha e Bill Clinton.

Grenell nuk është ndalur me vetëm një reagim. Ai ka shkruar përsëri në llogarinë e tij në twitter, duke thënë se Albin Kurti ka hedhur gaz lotsjellës në Parlamentin e Kosovës për të ndalur Demarkacionin me Malin e Zi të cilin e kishte mbështetur presidenti amerikan, Barack Obama.

Emisari amerikan thotë se edhe Joe Biden i kishte kërkuar atë kohë Kurtit që të mbështeste demarkacionin, por thotë se ky i fundit pavarësisht thirrjeve të Biden “shkoi në drejtim terrorist”.

“Albin Kurti hodhi gaz lotsjellës brenda Parlamentit të Kosovës, në përpjekje për ta ndalur demarkacionin me Malin e Zi, të përkrahur nga Presidenti Obama. Joe Biden, po ashtu, kërkonte në atë kohë Kurti që ta përkrahte Demarkacionin – dhe ai zgjodhi rrugën e terrorizmit ”, ka shkruar Grenell.

Të ngjajshme

Dyshimet për manipulime shtyjnë certifikimin e rezultatit zgjedhor

albswiss.com

Në Klinikën e Gjinekologjisë janë trajtuar deri tani mbi 150 gra shtatzëna të prekura me COVID-19

albswiss.com

Mësimdhënësit në Kosovë nuk do të vaksionohen të parët

albswiss.com