‘Hallakam’ në LDK, zyrtari i partisë i reagon nënkryetarit të partisë: Lojë e ndyrë – Alb'swiss TV
Alb'swiss TV
Lajme

‘Hallakam’ në LDK, zyrtari i partisë i reagon nënkryetarit të partisë: Lojë e ndyrë

‘hallakam’-ne-ldk,-zyrtari-i-partise-i-reagon-nenkryetarit-te-partise:-loje-e-ndyre

Zyrtari i LDK-së i reagon nënkryetarit të partisë: Lojë e ndyrë.

Anëtari i Lidhjes Demokratike të Kosovës, Naser Rugova, ka reaguar lidhur me deklaratën e nënkryetarit të partisë, Imri Ahmeti, i cili ka thënë çështja e klaneve është prodhim mediatik dhe i njerëzve që nuk ia duan të mirën LDK-së, raporton Express.

Rugova përmes një postimi në rrjetin social, ka shkruar se të thuash që në LDK nuk ka klane është njësoj si të thuash që rezultati i 14 shkurtit është rrenë dhe propagandë.

Madje, ai shtoi se ata që e mbrojnë këtë logjikë të mbrapshtë janë ata që vërtet nuk ia duan të mirën LDK-së dhe se zëri i tyre nuk do të ndalet derisa partinë e Ibrahim Rugovës ta çlirojnë.

“Të thuash që në LDK nuk ka klane është njësoj si të thuash që rezultati i 14 shkurtit është rrenë dhe propagandë. Privatizimi i dhunshëm i LDK-së, loja e ndyrë që një lëvizje kombëtare të kthehet në shërbim të disa njerëzve, është faktori kryesor që na ka sjellë në këtë pikë. Dhe ata që e mbrojnë këtë logjikë të mbrapshtë janë ata që vërtet nuk ia duan të mirën LDK-së. Këta edhe mund të fitojnë në përpjekjen për ndryshime kozmetike, sepse e keqja që e kanë instaluar i ka rrënjët thellë, por kjo nuk do të na mposhtë. Zëri ynë për ndryshime të vërteta nuk do të ndalet derisa partinë e Ibrahim Rugovës ta çlirojmë nga ky kancer”, ka shkruar Rugova.

Të ngjajshme

Macron pret nesër Ramën, kjo është arsyeja

albswiss.com

Kurti e Osmani – Opozitës: Qëndroni në sallë kur votohet kryeparlamentari, kryeministri dhe presidenti

albswiss.com

Shumë të infektuar, kjo është situate e fundit me COVID-19 në Kosovë

albswiss.com