Kontributi i grave të Jasharajve.
Në mesin e të vrarëve në familjen Jashari me 5,6 e 7 mars janë edhe shumë gra e vajza.
Familja përshkruan se roli i tyre ishte shumë i rëndësishëm për të kontribuar në luftë, krahas burrave e djemëve të tyre, njofton Klan Kosova.
Bekim Jashari, që është djali i komandantit Hamëz Jashari, tha se gratë kanë ndihmuar duke mbushur karikatorët me plumba, e pa lënë anash edhe ushqimin.
Ndërkaq rrëfehet edhe se si gruaja e Adem Jasharit u vra në shkallë, duke bartur fishekë.
Për gratë e Jasharajve kërkohet që të bëhet më shumë, dhe të njihet edhe roli i tyre në rezistencën kundër okupatorit serb.
