Hoxhaj në Prekaz: Më 5 mars 1998 fitoj Kosova mbi Serbinë – Alb'swiss TV
Alb'swiss TV
Lajme

Hoxhaj në Prekaz: Më 5 mars 1998 fitoj Kosova mbi Serbinë

hoxhaj-ne-prekaz:-me-5-mars-1998-fitoj-kosova-mbi-serbine

Kryetari në detyrë i Partisë Demokratike të Kosovës, Enver Hoxhaj i shoqëruar nga strukturat e PDKA-së, kanë bërë homazhe në kompleksi memorial Adem Jashari në Prekaz, me rastin e fillimit të Epopesë së UÇK-së.

Hoxhaj theksoi se më 5 mars 1998 fitoj guximi mbi frikën, fitoj liria mbi okupimin, fitoj Kosova mbi Serbinë.

“Më 5,6, dhe 7 mars të vitit 1998 u flijua familja Jashari për tu ngrit në kamë tërë Kosova dhe i tërë populli shqiptar në Ballkan. Me këtë flijim familja Jashari është maja e atdhedashurisë së Kosovës, dhe nuk ka ngjarje që mund ta tejkalojë këtë ngjarje historike të popullit shqiptar”, u shpreh Hoxhaj.

Hoxhaj shtoi se mbi këtë flijim dhe sakrificë ka lind liria jonë, ka lind shteti jonë.

“Prekazi dhe aty ku pushon trupi i Adem Jasharit është epiqendra e lirisë që ne sot gëzojmë si shtet i pavarur”, tha ai.

Hoxhaj nuk harroj të përmend edhe ish-presidentin Hashim Thaçi dhe ish-kryetarin e PDK-së, Kadri Veseli të cilët siç tha ai po mbahen padrejtësisht në Hagë.

“Ata në mënyrë të padrejtë po mbahen nga kjo gjykatë në Hagë, dhe kjo tregon se ende nuk ka përfunduar sakrifica jonë për lirinë dhe pavarësinë e këtij vendi. Jemi të sigurt që ata personalisht do të kthehen që të vendosin lule pranë varreve të familjes Jashari dhe do ta mbrojnë lirinë sikurse kanë bërë gjatë luftës dhe sikurse kanë bërë gjatë paqes”, tha Hoxhaj.

Të ngjajshme

Nga këto komuna janë rastet e fundit me koronavirus

albswiss.com

Gërvalla: Çështja e Ambasadës në Jerusalem është çështje e kryer, nuk futemi në aventura

albswiss.com

Franca e Holanda shtetet më kundërshtuese, pandemia zbeh gjasat për liberalizim të vizave

albswiss.com