Kandidati i PDK-së: Nuk ka mbetur asnjë rrugë tjetër përveç rinumërimit – Alb'swiss TV
Alb'swiss TV
Lajme

Kandidati i PDK-së: Nuk ka mbetur asnjë rrugë tjetër përveç rinumërimit

kandidati-i-pdk-se:-nuk-ka-mbetur-asnje-rruge-tjeter-pervec-rinumerimit

Dyshimet për manipulim me vota, kandidati i PDK-së: Nuk ka mbetur asnjë rrugë tjetër përveç rinumërimit.

Kandidati për deputet nga radhët e PDK’së, Petrit Hajdari, ka reaguar pas ngjarjeve të fundit rreth dyshimeve për manipulime të votave në zgjedhjet e 14 shkurtit.

Hajdari përmes një postimi në Facebook tha se nuk ka ndonjë rrugë tjetër pos të rinumërohen votat.

“Skandalet e fundit në lidhje me manipulimin e vullnetit qytetar, të shprehur përmes votës, nuk lënë asnjë rrugë tjetër përveç rinumërimit total të votave të kandidatëve për deputetë.

Ajo çka është jashtëzakonisht e rëndësishme është që qytetarëve nuk guxon t’iu mbetet dyshimi se votat nuk u kanë shkuar në adresën e dhënë prej tyre. Kjo ka shumë më shumë rëndësi sesa kush, sa, e prej cilës parti bëhen deputetë”, shkroi Hajdari.

Ky është postimi i plotë:

“Skandalet e fundit në lidhje me manipulimin e vullnetit qytetar, të shprehur përmes votës, nuk lënë asnjë rrugë tjetër përveç rinumërimit total të votave të kandidatëve për deputetë.

Ajo çka është jashtëzakonisht e rëndësishme është që qytetarëve nuk guxon t’iu mbetet dyshimi se votat nuk u kanë shkuar në adresën e dhënë prej tyre. Kjo ka shumë më shumë rëndësi sesa kush, sa, e prej cilës parti bëhen deputetë.

Por, edhe rinumërimi nuk duhet lënë në të njejtat koordinata me numërimin. Ai duhet bërë, me patjetër, në mënyrë transparente e me rinumërim të fletëvotimeve, jo vetëm të formularëve sepse kjo nuk prodhon asgjë të re dhe, fatkeqësisht, nuk e sjell rezultatin e vërtetë të zgjedhjeve.

Se kush i ka fituar zgjedhjet nuk është fare problem. Atë e ka vendosur qytetari. Problemi është te fakti që disa prej deputetëve, në vend se përfaqësues të popullit, mund të përfundojnë si përfaqësues të komisionerëve të pandërgjegjshëm, si pasojë e të cilëve edhe do të ishin në Kuvend.

Rinumërimi me skaner do të lehtësonte shumëçka, por nuk është metoda e vetme.

Vullneti qytetar është shtrembëruar dhe kjo vetëm se do ta riprodhojë krizën dhe mosbesimin e qytetarëve se ndikimi i tyre me votë është me të vërtetë i mundshëm e i çmuar.

Në Kuvend hyhet duke të besuar qytetarët, jo duke i blerë komisionerët. Për ta ruajtur këtë besim substancial te demokracia, rinumërimi transparent i fletëvotimeve është i domosdoshëm, sado që zgjat.’

Të ngjajshme

Anton Quni ‘selam’ Albin Kurtit: Nëse të mirëkuptojmë, mos mendo se ta kemi frikën

albswiss.com

Dorëzohet në polici edhe djali i 54-vjeçarit të dyshuar për vrasjen e të miturit në Drenas

albswiss.com

Haxhiu pret në takim ambasadorin Abbot, ja çka diskutuan

albswiss.com