Kërkohet të hetohen dyshimet për falsifikim me vota të kandidatëve – Alb'swiss TV
Alb'swiss TV
Lajme

Kërkohet të hetohen dyshimet për falsifikim me vota të kandidatëve

kerkohet-te-hetohen-dyshimet-per-falsifikim-me-vota-te-kandidateve

DNV: Të hetohen dyshimet për falsifikim me vota të kandidatëve.

Demokracia në Veprim (DNV) kërkon të hetohen rastet kur dyshohet se ka falsifikim të votave të kandidatëve për deputetë.

Me anë të një njoftimi për media DNV i bën thirrje Prokurorit të Shtetit të fillojnë hetimet kur dyshohet për vjedhje të votave në Qendrën e Numërimit të Votave (QNR).

“Gjatë ditës së djeshme në media ka rrjedhur një audio dhe video incizim i mbuluar, ku tre persona dyshohet se diskutojnë në lidhje me falsifikimin e votave të kandidatëve subjekteve politike në Qendrën e Numërimit të Votave”.

“Audio dhe video incizimi tregon se si numëruesi i votave jep çmimin për ndryshimin e votave brenda kandidatëve të listës së një subjekti politik. I dyshuari po ashtu tregon se sa para kishte marr ai dhe dy persona të tjerë brenda QNR-së për të ndryshuar votat e një kandidateje për deputete të Kuvendit të Kosovës, që ajo të bëhej pjesë e legjislaturës së VIII. Demokracia në Veprim, i bënë thirrje Prokurorit të Shtetit që me urgjencë të fillojnë hetimet dhe të marrin masat adekuate që të mos lejohet deformimi i vullnetit të votuesve nga dyshimet për falsifikimit e votave brenda QNR-së”.

DNV-ja pohon se Prokuroria duhet të bashkëpunojë edhe me organet tjera kompetente kur ka dyshime se janë vjedhur vota.

“Prokuroria duhet që në bashkëpunim me Panelin Zgjedhor për Ankesa dhe Parashtresa, Komisionin Qendror të Zgjedhjeve dhe Sekretariatin e Komisionit Qendror të Zgjedhjeve, të veprojë në drejtim të gjetjes dhe arrestimit të personave që dyshohen se kanë falsifikuar rezultatin e votimeve”.

“DnV ju bënë thirrje të gjithë kandidatëve për deputet të cilët mund të kenë dyshime për vjedhje të votave apo falsifikim të rezultatit, pos ankesave në PZAP, të bashkëpunojnë me Prokurorinë e Shtetit në drejtim të zbulimit të veprave që devijojnë vullnetin e qytetarëve të Kosovë”, thuhet në njoftim.

Të ngjajshme

Koronavirusi në Shqipëri: 17 të vdekur dhe 683 raste të reja

albswiss.com

Prangoset në Podujevë 20-vjeçari që po kërkohej nga policia

albswiss.com

Wesley Clark: Është koha që Serbia ta njohë Kosovën

albswiss.com