Kurti e Osmani bëjnë homazhe në Likoshan e Qirez: Drejtësi për viktimat – Alb'swiss TV
Alb'swiss TV
Lajme

Kurti e Osmani bëjnë homazhe në Likoshan e Qirez: Drejtësi për viktimat

kurti-e-osmani-bejne-homazhe-ne-likoshan-e-qirez:-drejtesi-per-viktimat

Ushtruesja e detyrës së presidentes, Vjosa Osmani, së bashku me kryetarin e Lëvizjes Vetëvendosje, Albin Kurti, kanë bërë homazhe për të rënët në Likoshan e Qirez.

Pas homazheve, ata kanë bërë nga një prononcim të shkurtër para gazetarëve ku kanë kërkuar që të vihet drejtësi për viktimat dhe familjarët e tyre.

Ushtruesja e detyrës së presidentes, Vjosa Osmani, ka thënë kjo kujtesë historike dhe institucionale ndihmon që të kuptohet çmimi i lartë i lirisë që e pagoi populli i Kosovës.

“Jemi këtu së bashku me kryeministrin në ardhje për ta nderuar sakrificën dhe luftën çlirimtare, por edhe të gjithë të rënët dhe martirët. Kjo kujtesë historike dhe institucionale na ndihmon që ta kuptojmë çmimin e lartë të lirisë që populli i Kosovës e pagoi. Po ashtu është moment kur ne duhet ta ngrisim zërin tonë për drejtësi për të gjitha viktimat e shkaktuara nga regjimi serb. Vetëm duke kërkuar drejtësi dhe duke e kujtuar sakrificën ne do të mund ta ndërtojmë shtetin”, ka deklaruar Osmani.

Kurse Albin Kurti ka thënë se është obligim institucional që për të gjitha viktimat dhe familjarët e tyre të vihet drejtësia duke i gjykuar dhe dënuar kriminelët që kryen gjenocid.

“Ne u kemi borxh sa nuk thuhet të gjithë atyre që dhanë gjithçka që ne të jetojmë të lirë. Por edhe drejtësia është mohuar dhe është obligim i yni që për të gjithë këta familjarë të sjellim drejtësi duke i gjykuar dhe dënuar kriminelët që kryen gjenocid. Emrat e tyre nuk harrohen kurrë, gjaku i tyre nuk humbet kurrë”, ka deklaruar Kurti.

Të ngjajshme

Nëse e njihni këtë person, lajmërojeni menjëherë policinë

albswiss.com

Ky është plani i vaksinimit kundër COVID-19 në Kosovë

albswiss.com

Spitalet e Kosovës mbushen me pacientë me COVID-19

albswiss.com