Shefi i Misionit Konsullor në Cyrih, z. Vigan Berisha, ka përcjellë një urim të përzemërt për të gjithë bashkëatdhetarët me rastin e festës së 17 Shkurtit.
Urimi i plotë:
“Të dashur bashkëatdhetarë,
Në këtë ditë të shënuar, kremtojmë 17-vjetorin e Pavarësisë së Republikës së Kosovës. Kjo ditë është një moment reflektimi mbi rrugëtimin tonë të gjatë e të mundimshëm drejt lirisë dhe shtetndërtimit.
Sot, me përulësi nderojmë dëshmorët e kombit, veteranët, invalidët e luftës, ish-të burgosurit politikë dhe të gjithë ata që ishin pjesë e rezistencës paqësore. Guximi i tyre mbetet përjetësisht në themelet e shtetit tonë.
Gëzuar Ditën e Pavarësisë, Kosovë!”
