Naser Rugova thotë se Isa Mustafa nuk do të ndalet derisa LDK të mos e kalojë pragun – Alb'swiss TV
Alb'swiss TV
Lajme

Naser Rugova thotë se Isa Mustafa nuk do të ndalet derisa LDK të mos e kalojë pragun

naser-rugova-thote-se-isa-mustafa-nuk-do-te-ndalet-derisa-ldk-te-mos-e-kaloje-pragun

Naser Rugova thotë se Isa Mustafa nuk do të ndalet derisa LDK të mos e kalojë pragun.

Anëtari i LDK’së, Naser Rugova, ka vazhduar sulmet e tij ndaj kryesisë së këtij subjekti duke thënë se nëse vazhdojnë kështu do e zbresin rezultatin nën pragun zgjedhor në zgjedhjet e ardhshme.

Rugova ka thënë po ashtu se kur jep dorëheqje kryetari, atëherë automatikisht duhet të japë dorëheqje e gjithë kryesia e partisë.

Këtë deklaratë, Rugova e ka si kundërpërgjigje ndaj Lutfi Hazirit, i cili sot u shpreh se nëse jep dorëheqje Mustafa, nuk është e thënë që të japë e gjithë kryesia e partisë.

“Kur Kryetari jep dorëheqjen, ekipi i tij, pra Kryesia, me automatizëm po ashtu është e dorëhequr. “Sqarimi” që sot lëshoi dikush në emër të LDK-së tregon se sa thellë i ka rrënjët boshti i të keqes. Ata nuk do të ndalen derisa ta sjellin LDK-në në 4.9%”, ka shkruar Rugova në një status të tij në Facebook.

Ndryshe, LDK ka bërë të ditur se zgjedhjet për kryetarin e ri do të mbahen më 14 mars. Këto zgjedhje vijnë pasi ky subjekt pati rezultatin më të keq në histori në zgjedhjet e 14 shkurtit ku pa votat e mërgatës është në 13%.

Mandati i kryetarit të ri do të jetë vetëm vazhdues i atij të Mustafës dhe nuk do të ketë zgjedhje në të gjitha degët.

Të ngjajshme

Nëna e Vjosa Osmanit flet pasi e bija u bë presidente

albswiss.com

Sot pritet të |bie borë në Kosovë

albswiss.com

Gjykata nuk arrin të gjejë ish-kryetarin e Lipjanit që ta dërgojë në vuajtje të dënimit

albswiss.com