Ndodh në Zhur, nxënësve ua mban mësimin psikologia pasi mësuesja është në pushim – Alb'swiss TV
Alb'swiss TV
Lajme

Ndodh në Zhur, nxënësve ua mban mësimin psikologia pasi mësuesja është në pushim

ndodh-ne-zhur,-nxenesve-ua-mban-mesimin-psikologia-pasi-mesuesja-eshte-ne-pushim

Mësuesja në pushim, nxënësve të Zhurit ua mban mësimin psikologia.

Tash e tre muaj nxënësit në një shkollë në Zhur pa mësuese, DKA u vonua në hapjen e konkursit.

Tetëdhjetë nxënës vijojnë mësimin parafillor në shkollën “Dëshmorët e Zhurit”, në Zhur.

Por një grup i tyre kanë mbetur pa mësimdhënës, meqenëse mësuesja e tyre që nga muaji dhjetor ka shkuar në pushim të lehonisë.

E për të nuk është gjetur akoma zëvendësim.

Këtë e konfirmojnë prindërit e fëmijëve të cilët kërkojnë të angazhohet një edukatore për ta.

E për tre muaj me radhë, pozitën e mësimdhënëses e ka zëvendësuar psikologia e shkollës.

Drejtori po thotë se është i vetëdijshëm që duhet të angazhohet një person adekuat për pozitën.

Porse diçka e tillë po pamundësohet pasi që Drejtoria e Arsimit ka vonuar hapjen e konkursit.

E zyra e tij është e mbushur me kërkesa për Drejtorin e Arsimit, që të hapet konkursi për këtë pozitë.

Kjo pasi që veç edukatores, ka mungesë edhe të disa mësimdhënësve.

Këtë të mërkure është mbyllur afati i konkursit për edukatore.

Por pse u shkaktuan vonesa, nuk kane treguar nga drejtoria e arsimit në Prizren gjatë ditës, të cilët thanë që nuk kanë kohë të përgjigjen.

Të ngjajshme

Aksident në mes një veture dhe një motoçiklisti

albswiss.com

Reagon Këshilli i Prindërve: Mësimi nga distanca është dështim

albswiss.com

Investimet turke në trashëgimi – Donacione apo imponim ideologjish? 

albswiss.com