Nesër në mëngjes Lajçak takohet me Vjosa Osmanin – Alb'swiss TV
Alb'swiss TV
Lajme

Nesër në mëngjes Lajçak takohet me Vjosa Osmanin

neser-ne-mengjes-lajcak-takohet-me-vjosa-osmanin

Vjosa Osmani e pret në takim Miroslav Lajçakun nesër herët në mëngjes.

I dërguari i posaçëm i Bashkimit Evropian për dialogun Kosovë-Serbi, Miroslav Lajçak ka mbërritur sot në Kosovë. Presidenca ka njoftuar se Lajçak do të takohet nesër në orë 08:00 me ushtruesen e detyrës së presidentes së Kosovës, Vjosa Osmani.

“Në orën 8:00, U.d. Presidentja Vjosa Osmani pret në takim të ngarkuarin e BE-së për dialogun Kosovë-Serbi, Miroslav Lajçak”, thuhet në njoftimin e Presidencës.

Paraprakisht, ai ka shkuar direkt në zyrat e Lëvizjes Vetëvendosje, ku është pritur nga kryetari i këtij subjekti politik, Albin Kurti.

Në prag të vizitës në Prishtinë dhe Beograd, Lajçak u gjend në qendër të vëmendjes. Gjegjësisht, ai postoi në Tëtitter një fotografi nga zyra e tij, por vëmendja shkoi aty ku s’i kishte shkuar mendja emisarit evropian, në hartën pas tij ku Kosova ishte brenda kufijve të Serbisë.

Përpjekjet e tij dhe të BE-së për t’u shpjeguar provokuan reagime të reja. Lajçak shpjegoi se kjo ishte harta zyrtare e BE-së, se Kosova ishte atje, dhe se aty ishte që e ndan Kosovën nga Serbia, por ajo vijë ishte shumë më e hollë se ato që shënonin kufijtë shtetërorë të vendeve tjera. Më në fund, si duket ai ka parë në këtë një konfirmim të rëndësisë së dialogut.

Megjithëse presidenti i Shteteve të Bashkuara të Amerikës, Joe Biden i bëri thirrje Serbisë për njohje të ndërsjellë me Kosovën, Bashkimi Evropian beson se vetëm Prishtina dhe Beogradi mund ta arrijnë kompromisin e nevojshëm.

Zëdhënësi i Bashkimit Evropian, Peter Stano ka thënë se qëllimi kryesor i dialogut është arritja e një marrëveshje gjithëpërfshirëse, ndërsa nuk ka përmendur njohjen reciproke.

Të ngjajshme

Serbia i dhuron Maqedonisë së Veriut 20.000 doza të vaksinës, Sputnik V

albswiss.com

Nga kjo ditë rriten temperaturat në Kosovë

albswiss.com

MAPL regon se çfarë u diskutua sot në takimin me ministrin Vitia

albswiss.com