Policia e Kosovës ka njoftuar se ka konfiskuar, mbrëmë, në pikën kufitare Dheu i Bardhë, mbi 6.6 milionë dinarë serbë (në kundërvlerë rreth 50 mijë euro) dhe mbi 35 mijë dollarë amerikanë.
Policia bën të ditur se kjo sasi e parave të konfiskuara ishte e fshehur dhe e maskuar në qese najloni, në veturën Audi të një shtetasi 61-vjeçar të Serbisë.
“Sipas procedurave të parapara, Policia Kufitare ka bashkëpunuar ngusht me Doganën e Kosovës, së cilës i janë dorëzuar paratë e konfiskuara dhe rasti ka shkuar në procedurë të mëtutjeshme”, thuhet në njoftimin e policisë.
