Infermierët, mamitë dhe punonjës të tjerë shëndetësor, më 1 mars do të marshojnë me moton “Marshojmë për pagë dinjitoze”, me fillim nga ora 15:00.
Aktiviteti do të organizohet nga Oda e Infermierëve të Kosovës, Shoqata e Infermierëve të Urologjisë së Kosovës, Shoqata e Instrumentareve të Kosovës, dhe Shoqata e Infermierëve të Psikiatrisë së Kosovës.
Nisja e marshit do të bëhet nga Qendra Klinike Universitare e Kosovës, deri te objekti i Qeverisë në sheshin “Skënderbeu”.
Organizatorët kanë bërë thirrje për pjesëmarrje masive të të gjithë punonjësve shëndetësorë nga të gjitha qendrat ku jipen shërbime mjekësore në Kosovë.
