Reagon ashpër Meliza Haradinaj, e quan inskenim videon që pretendon se burri i saj bleu vota – Alb'swiss TV
Alb'swiss TV
Lajme

Reagon ashpër Meliza Haradinaj, e quan inskenim videon që pretendon se burri i saj bleu vota

reagon-ashper-meliza-haradinaj,-e-quan-inskenim-videon-qe-pretendon-se-burri-i-saj-bleu-vota

Meliza Haradinaj e quan inskenim videon që pretendon se burri i saj bleu vota.

Kryediplomatja në detyrë, Meliza Haradinaj-Stublla, ka mirëpritur vendimin e PZAP-së për rinumërimin e fletvotimeve me kusht dhe nga diaspora për kandidatët e AAK-së.

Kryediplomatja në detyrë thotë se rinumërimi është “një hap përpara zbardhjes së incizimit të inskenuar”.

“Duartrokas vendimin e PZAP-it, për rinumërimin e të gjitha fletëvotimeve me kusht në të gjitha komunat, dhe nga diaspora, për kandidatet e AAK-së. Le të zbardhet njëherë e mirë vullneti qytetar”, shkruan Haradinaj-Stublla.

Sipas saj, asnjë familjar i saj nuk është i përfshirë në pretendimet për blerjen e votave.

“Ky rinumërim është një hap përpara zbardhjes së incizimit të inskenuar që pretendon përfshirjen e bashkëshortit tim në vjedhjen e votave! Përseris, me bindje të plotë që as UNË, as BASHKËSHORTI, e ASNJË familjar e bashkëpunëtor i imi NUK është përfshirë në asnjë nga pretendimet publike që u bënë e po vazhdojnë të bëhen nga pseudo-portale të caktuara sipas porosive të caktuara, dhe t’i jepet fund shpifjeve, fyerjeve, dhe shantazheve në adresë timen dhe të familjes sime”.

Së fundmi një video-incizim i publikuar në media pretendon se Dardan Stublla, burri i ministres në detyrë Meliza Haradinaj, ia ka blerë votat asaj. Mirëpo një gjë të tillë e ka mohuar burri i Haradinaj-Stublla, teksa ka shtuar se rastin e ka denoncuar në polici.

Të ngjajshme

PE-ja voton raportin për Kosovën

albswiss.com

Presidentja Osmani në takim me ambasadoren holandeze, kërkon ndihmë për Kosovën në sigurimin e vaksinës anti-Covid 19

albswiss.com

Fatmir Limaj tregon se a do të shuhet Nisma

albswiss.com