Pas rritjes së fundit të çmimeve të sigurimit shëndetësor në Zvicër, qytetarët po e ndiejnë gjithnjë e më shumë barrën financiare. Sipas një sondazhi të ri, kostot mujore të sigurimit do të rriten mesatarisht me 4,4% në vitin 2026, dhe 53% e pjesëmarrësve në sondazh e konsiderojnë këtë rritje si të rëndë për buxhetin familjar.
Mbështetje për institucion të vetëm të sigurimit shëndetësor
Në përpjekje për të ulur shpenzimet, rreth 68% e qytetarëve tani mbështesin në një farë mase krijimin e një institucioni të vetëm të sigurimit shëndetësor, pavarësisht se kjo ide është refuzuar dy herë më parë në votime popullore. Mbështetja vjen nga të gjitha grupmoshat, nivelet e të ardhurave dhe partitë politike — më shumë nga Partia Socialiste (83%), të Gjelbrit (70%) dhe Partia Qendrore (69%).
Iniciativa e re nga PS
PS planifikon një iniciativë ligjore për të lidhur kostot e sigurimit shëndetësor me të ardhurat, duke lehtësuar barrën për 85% të popullsisë, dhe duke përjashtuar fëmijët nën 18 vjeç nga këto pagesa.
Kundërshtim ndaj mbylljes së spitaleve
Idesë për uljen e numrit të spitaleve për të kursyer shpenzime i kundërshtohen 58% e qytetarëve të pyetur. Vetëm 36% janë pro, dhe prirja për mbështetje rritet me moshën. Mbështetje më e madhe vjen vetëm nga simpatizantët e Partisë së Gjelbër-Liberale (56%), ndërsa kundërshtimi më i madh është nga UDC (68%)./20min.ch
