Kosova sërish vend i rrezikut të lartë për Gjermaninë
Varianti Omicron ka shtuar ndjeshëm shifrat e infektimeve në Kosovë. Kjo ka bërë që nga dita e dielë Kosova të futet sërish në listën e vendeve të rrezikuara nga virusi për Gjermaninë.
Varianti Omicron i virusit Corona ka bërë që gati tre të katërtat e rreth 200 vendeve të botës të kategorizohen si zona rreziku në Gjermani.
Tek 136 vendet që janë të vendosura në listën e rrezikut të Institutit Robert Koch, shtohen të dielën edhe disa vende të tjera.
Kjo listë reflektohet pastaj tek rekomandimet e Ministrisë së Jashtme të Gjermanisë për udhëtimet e kufizimet e udhëtimit nga e drejt këtyre vendeve.
Nga e diela (23.01., 00:00) Kosova renditet sërish në listën e zonave me rrezik të lartë të virusit.
Në këtë listë renditen tani edhe Rumania, Republika e Moldavisë, Maroku, Tunizia, Algjeria, Arabia Saudite, Japonia e vende të tjera.
