Të paktën një person humbi jetën, sonte, nga tërmeti prej 5.7 ballësh të Rihterit që goditi Bosnjë e Hercegovinën, rreth orës 23:00, raporton Dnevni Avaz.
Nga Qendra Shëndetësore e Stolacit thanë se viktima është një vajzë 28 vjeçare, por ka edhe të lënduar.
Sipas Qendrës Sizmologjike Evropiane-Mesdhetare, epiqendra e tërmetit ishte 20 kilometra në lindje të Stolacit dhe 45 kilometra në juglindje të Mostarit.
Dridhje të tokës janë ndier edhe në Kosovë, Serbi dhe Mal të Zi.
