Presidentja e Republikës së Kosovës, Vjosa Osmani e ka shpallur të premten ditë zie, në nderim të ish- sekretares amerikane të shtetit, Madeleine Albright.
Me vendim të Presidentes Osmani, flamujt shtetëror vendosen në gjysmështizë, në të gjitha objektet shtetërore të Republikës së Kosovës, brenda dhe jashtë vendit. “Në shenjë respekti shtetëror, dita e premte, datë 25 mars 2022, shpallet ditë zie në Republikën e Kosovës për të kujtuar miken e madhe të Kosovës, Madeleine Albright.
Mikja e madhe e shqiptarëve, Madeleine Albright, ka vdekur të mërkurën në moshën 84-vjeçare.
Ajo vlerësohet për ndikimin e madh për të bindur Shtetet e Bashkuara të Amerikës dhe botën për krimet që po kryheshin në Kosovë nga ushtria dhe policia serbe./albswiss.com/
