Xhafer Gashi, është infektuar me koronavirus
Këtë e ka bërë të ditur vetë Gashi përmes një postimi në rrjetin social Facebook, transmeton lajmi.net.
“Si rezultat i shfaqjes së disa simptomave të pazakonta, jam nënshtruar testimeve për Covid-19 dhe kam rezultuar pozitiv”, ka shkruar ai.
Ai ka thënë se gjendjen shëndetësore e ka stabile, ndërsa ka bërë të ditur se gjendet në vet-izolim duke i respektuar të gjitha masat antiCOVID19.
Gashi ka bërë thirrje që të respektohet të gjitha masat kundër pandemisë.
“Meqë përhapja e këtij virusi ka filluar të shënojë ngritje,kërkoj që të respektoni rekomandimet e institucioneve shëndetësore!”, u shpreh ai.
