Bora “rrëzon” Luanën nga froni i mbretëreshës së rrjeteve sociale.
Dhuratat për 30 vjetorin e Bora Zemanit, nuk paskan mbaruar.
Moderatorja duket se ka “rrëzuar” nga froni i “Mbretëreshës së Instagramit” Luana Vjollca. Kjo e fundit rezulton me 2 milionë ndjekës në Instagram, por nuk e ka shikueshmërinë dhe interaktivitetin e Borës me 1 milionë ndjekësit e saj.
Eksperti i marketingut dixhital, Arlind Zoto tha në një intervistë për “Ditë e Re” se momentalisht, mbretëresha e Instagramit është Bora Zemani, ndërsa Noizy është mbreti.
Sipas tij, suksesi në Instagram nuk matet më nga numri i ndjekësve dhe pëlqimet që merr një personazh, por nga “engagments”, pra se sa aktivë janë ndjekësit në profilin e një personazhi.
“Mbretëresha e Instagramit për momentin është Bora Zemani. Noizy është mbreti. Kanë shumë shikueshmëri, janë 2 me të fuqishmit në Instagram. Në 2022 nuk do jenë në fokus numri i likes (pëlqimeve) dhe numri i folloërsave por rëndësi ka engagments, angazhimi që kanë të tjerët në faqen tuaj”, tha Zoto.
