Edhe pse u paralajmëruar të ndodhë sot, Qeveria e Kosovës nuk e ka diskutuar në mbledhjen e sotme kërkesën e Kuvendit për mendim lidhur me nismën legjislative për ndryshimin e Ligjit për Zgjedhje të Përgjithshme në Kosovë.
Qeveria, në mbledhjen e udhëhequr nga Kryeministri Kurti, ka shqyrtuar katër pika të parapara të rendit të ditës. Por, asnjëra prej tyre nuk ishte ndryshim i Ligjit për Zgjedhjet.
Ndërkohë, VV-ja e Kryeministrit Kurti ka bërë të ditur se kanë kërkuar nga Kryesia e Kuvendit të thirret për sot seanca për votimin e ndryshimeve të ligjit për zgjedhjet.
